قصيده بعنوان
حلم تافه
نفسي أنام .. وأحس فيه
إن الحبيب .. نايم فى حضني
نفسي أنام .. من غير الخوف
وأنا وحيد .. الله ياخدني
نفسي أنام .. من غير شيطان
لما يكايدني .. ويعاندني
نفسي أنام .. فى مره وأنسى
إن الدود .. والعفن رايدني
نفسي أنام .. وأنا ف.آلام
أسمع كلمة .. سلامتك فى ودني
نفسي أنام .. والسقف فوقي
أحسه يبعد ومهواش راصدني
..نفسي ألمس الفرح بإيديا
ويعكسه لييا .. نني عينيا
ويموت أحزاني
ويعكسه لييا .. نني عينيا
ويموت أحزاني
ويكسر جمودي حواليا
ويهاودني
.. نفسي حد .. يحس بييا
إن تعبت ..يخاف علييا
وأشكيله الهم إللي فييا
ويبقى حلمي الجميل
ويراودني
ليست هناك تعليقات:
إرسال تعليق